|
Un denn ging ’t los: Üm punkt Klock tein
Wiern ’w dor bi’n TT-Sportverein.
Wenn ’k ihrlich bün, har ’k ganz schön Schiss,
Denn keineswegs wier dat gewiss,
Dat ’w ohne eine Trainingsstunn’
Uns trechtfünn’ an de Platt
Un denn hemm ’w sogor hoch gewunn’,
‘ne Wucht, ‘n grodet Ding wier dat!
Ji har’n mal seihn süllt, wie uns’ Heiner
Sich inset’t hett - so schweit’ hett keiner!
Un denn de Schmetterbäll von Peter
Un de geschnääd’nen Bäll von Pödder!
De jungen Spunte von Empor
Hemm doemlich käken ut de Wäsch,
Stünn’ wie begat’ne Pudels dor:
Sei kreeg’n ne fürchterliche Dresch’!!
|
