|
Auszug aus unserer Chronik -
Seiten 23/24
1972 wier dat Hotel farich, nennte sich nu Hotel „Vier Tore“ un schlööt denn’ Karl-Marx-Platz nå Süden hen af. Gliek dornäben wier de Gaststätt „Kosmos“ entståhn. Dormit hemm’ sich dunn för unse Klassendräpen werrer niege Möglichkeiten ergäben, uns in anspruchtsvullen Rümlichkeiten tausåmmentausetten un tau fiern.
Am 30. Dezember 1972, tau uns’ 16. Klassendräpen, sünd wi also in dat niege Hus „intreckt“. Prominenz harn wi mihrere unner uns: Latschi mit sien Fru, selbstverständlich wier Baby an Helgas Siet un denn keem’ noch twei, de wi dat ierste Mål up uns’ Klassendräpen begrüßen künn’: Brigitte un Schlauchi. Leider künn’ sei nich bet ann’ frühen Morgen blieben (wi hemm’ wie ümmer lang’ utholln), weil se noch vör Mitternacht dörch „Check Point Charly“ sien müssten. Worüm dat? Weit de Düwel! Beid wåhnten jå in Westberlin un kreegen bloß eine Tageserlaubnis (orrer wie sich dat süss schimpen deed), müssten also noch am selben Dach werrer utreisen.
An twei Begebenheiten an denn’ Ǻbend erinner ik mi noch besonders: Dat Schlauchi för unse Mäkens ne Schachtel „Ferreroküßchen“ spendiert hett un dat Brigitte im „Kosmos“ up ’n Disch danzt hett. Sei bestritt dat twors ümmer werrer, œwer so is dat west, dor bitt de Muß kein’ Fåden af!
|
