|
As du un ik noch lütting wiern
un keemen in de Schaul,
wiern wi tausammen bet de Achten.
De Lihrers in Ollntreptow dachten:
Dei möten up de Oberschaul!
So keem dat denn mit di un mi.
Pödder, dat vergät ik nie!
As wi dunn in Niebramburg wiern,
keem ’w spärer in de 12B2.
Dor hemm’ wi väle Frünn’ gewunn’,
ik sogor mien Gretchen funn.
Dat Abi maktest du mit Twei!
Dorna har ’w väle Klassendräpen.
Pödder, dat warn ’w nie vergäten!
|
As du un ik dunn wiern verheirat’,
un Kinner wiern dor,
hemm’ wi uns öfter eis besöcht,
gemeinsam schöne Stunn’ verbröcht.
So wier dat väle Johr.
Pödder, dat vergät ik nie
Dorför dank ik di!
Wi stünn’ an Susis Krankenbett,
Wi folgten ehren Sarg.
Hüt truert dien 12B2 üm di.
Pödder, di vergäten ’w nie!
Dien Irmgard is so stark!
Verspraken, Pödder, du warst’ seihn,
wi laten Irmgard nich allein.
|
