Homo und Schibé

“Homo” und “SchiBe”

Uns’ Lihrerin in Geographie wier tiedwies “Schibé” (spärer harn wi noch bi Lena Tank). Dat is eigentlich’n ganz komischen Spitznam’, un dor kümmt ein gor nich up, wie dei taustann’ kamen is. Oewer mit denn’ het dat uk siene ganz natürliche Bewandnis: Sei het bekanntlich Schiffner heiten, un Ingeweihte waren sich noch erinnern, dat uk ehr Mann “Homo” damals Lihrer an uns’ Oberschaul wier. Üm keine Verwesselungen bi de Unnerschriften unner de Klassenarbeiten, im Klassenbauk un annerswo upkamen tau laten, het sei einfach dat “Schi” von Schiffner nahmen un dat “Be” von Becker (ehren Geburtsnamen) rannerhungen - fahrig wier ehr Signum un uk ehr Spitznam’ (ob sei wull orrer nich).






		“Homo” 1956


	“Jimmy” Gebert und “Schibe” Traditionsfest 1956



				“Homo” Schiffner auf unserem Klassentreffen 1991

Familie Schiffner wahnte “An der Linde”, gliek üm de Eck von de Lessingstraat (dor wahnen sei oewrigens uk hüt noch). Nu har Schibé tau ehr Leidwäsen de Angewohnheit, in ehr Schusselichkeit oefters ehre Schloetels orrer irgendwat anners in de Ihl tau Hus lingen tau laten. Uns’ Gretchen, damals noch inne 10BM, müßt denn ümmer mitten in de Stunn’ los, üm dat Vergät’ne tau halen. Dat dor nich mal de Direkter mangfunkt het, wunnert mi hüt noch. Hemm dei denn all schlapen orrer wull dat keiner seihn ?

Uk ehr Gatte, denn’ wi in de 11. un 12. Klass in Geschichte un Gegenwartskunde harn un dei bi uns bloß “Homo” heiten deed (worüm Eigentlich ?), har so siene Mucken. As hei eines gauden Daachs markte, dat wi in jede Stunn siene oft oewer doertig “insgesamt” orrer siene “nun dabei” uplisten deeden , makte hei uns tau Minna: “Ich finde insgesamt, daß ihr insgesamt meine “insgesamt” nicht zu zählen habt. Insgesamt seid ihr insgesamt eine ...!” Dorna het dat nie werrer ein unangebrachtet “insgesamt” gäben - alle Achtung!!


	Vorstehender Text ist ein Auszug aus der “Chronik eines Kollektivs”, erschienen zum 30. Klassentreffen 1986 in Neubrandenburg.